Ye Soch Hai Meri......Kya aap b mantay hain??

   Naya zamana Naie soch or Naie nasal.....Hum q itna badaltay ja rahay hain???? Na hi sirf hum badal rahay hain balkay hamari sochain b mehdood ho kar reh gai hain! Q hum mazhab say dur hotay ja rahay hn?? Na hi sirf hum apni zindagi ka maqsad bhool kar seedhi rah say bhataktay chalay ja rahay hain blkay hmaray mashray may agar koi hamain rokta b hai ya Allah or Rasool SAWW ki teachings follow karta hai tou hum uska hosla tornay ki b bharpoor koshish kartay hain.. Kya aap is baat say disagree kar saktay hain k agar hum may say koi bhi seedhi rah ko apnana chahata hai tou hum uska mazaq ura ura kar us k hoslay ko tortay hain or usay is baat ka ehsas dila kar k ye dunya tmhe chor day gi tum kahain k nahi raho gay bla bla, uski niyat badalnay ki koshish kartay hain??

   Q hamain is dunya pay apnay khuda say zyada bharosa hogya hai?? Jab k ye dunya hamain siwaey dukh parishani or musibaton k kuch nahi day sakti. Ek shaqs Rasool Allah SAW k pas aaya or pucha (mafhoom)"Ya Rasool Allah! Mjhe kaisay pta chalay ga k mai ab usi rastay pay chal raha hn jo meray deen ka btaya hua hai jis say mai apnay khuda say waqiyatan qareeb ho raha hon??" Rasool Allah SAWW nay farmaya "Jan lo k Jab ye dunya tmhe thukra day or yahan k loog tum say bayzaar hon jaen tou samajh jana tum apnay khuda say qareeb hotay ja rahay ho. Bayshak ye wai moqa hoga jab tum seedhi rah par ho gay...."     
   Ye hamari hamaray mazhab say ghaflat ka natija hi hai k hum har achay kaam ko time waste samajhtay hain or har buray kam ko mashghala bana laitay hain. Quran k 2 pages parhnay k liay wqt nai hota lkn dusri book ko parhnay k liay boht time hota hai. Q hmari mazjidain choti but shopping malls baray hotay jaray hain? Q hum apna role model ksi celebrity ko bana laitay hain lkn Allah say engage hona hamain mushkil lagta hai??
   Bayshak is luxurious life ko chor kar Allah ki taraf rukh karna thora mushkil hai lkn namumkin hargiz b nai hai. Is ki sab say bari misaal hamain Sara Chaudhry say milti hai jo showbiz chor k seedhi rah par i or wo kehti hai k "Mera sath sirf khuda nay dia ushi nay mjhe tofeeq di". Allah tou khud kehta hai k tum meri taraf ek qadam brhao may tmhari taraf das qadam brhaun ga. Ay Allah mjhe b seechi rah par chalnay ki tofeeq ata farma or is dunya k tanoon ka dar meray dil k nikaal day.