Shehar.e.quaid phir lahu lahu. Target killing pay ek Tehqiqati Report!

Badtareen halaat ki lapait may hai TUMHARA KARACHI. Or tum  khamoosh?

Roshnion ka shehar KARACHI phir se andheroon may doobta nazar aaraha hai. Shehar.e.Quaid may phr se badamni ki lehar taza ho gai hai. Loot maar, bhatta mafia or target killing k waqiyaat khatam honay ka naam nai letay. Sheher may aman.o.amaan ki surat.e.haal din ba din bigarti ja rahi hai or target killing ab na khatam honay wali kahani lagti hai. kabhi kisi maa se uska beta juda hota hai to kabhi koi oorat apnay bachoon kay yateem honay ka matam krti nazar aati hai.

Is hawalay say agar guzashta 4 saloon pay nazar dali jaey to 476 afraad ko syasi or mazhabi buniyadon par qatal kiya ja chuka hai jis mai MQM k 121, PPP 113, ANP 88, MQM Haqiqa k 26, Sunni tahreek k 37, Jafarriya Allains k 27, or Jama'at.e.Islami k 19 karkun shamil hain.

Is target killing ka nishana sirf siyasi jama'aton k karkun nai ban rahay balkay hazaroon log aisay hain jo jantay hi nahi hain k unko kyun mara ja raha hai. Sindh high court main I.G Sindh ki taraf say jama kranay wali report k mutabiq ye honay walay qatal siyasi nahi balkay lisani hain.

Aik or jaezay k mutabiq is saal 3 mahenay may 300 say zaid afraad ko moot ki neend sula dia gaya hai. Human Rights Commission of Pakistan ki ek report k mutabiq pichlay saal 1715 log maray ja chukay hain.

 Or bus ek mahinay may 127 afraad target killing ki zad may aa chukay hain. Ab agar baat ki jaey police performance ki to un ki karkardagi par b is liay ungli nahi uthaai ja sakti q k in ki tadaad 25 hazaar hai jab k karachi ki 15 million aabadi k liay kam az kam 1 karor police hukkam darkaar hain. In sab cheezon ka zimidaar kisay theraya jaey hamary System ko?? Govt ko?? Ya politicians ko jo baray baray daway kar k awaam ko khamosh krwa daitay hain?

Ab khuda hi behtar janta hai k kya futura hai Pakistan ka or Karachi ka to Allah hi Hafiz hai. Parwardigaar sab ko apni hif.o.amaan may rakhay!